第8部分(第1/5 頁)

意先買埋其它。點解宜家先嚟聽？知道Kurt　Cobain自殺死咗？我就唔繫好好rock，不過都有聽下。我叫奧古，得閒有咩碟想聽嚟搵我，我都幾熟。使唔使開啟嚟試聽下？可以可以，我話得就得，老細唔喺度，我開俾你聽。

這個人好得意。二十歲男仔。瘦瘦的。好好人。我就買了Nevermind。　txt小說上傳分享

倒下的方法（2）

3/5/1994

Nevermind。我不明白。不懂他在唱甚麼？初時覺得一點都不好聽。那麼嘈。大叫大喊。

I　don't　understand！

但我還是聽著聽著，一次又一次，想著高榮，和他在酒吧裡撒尿的樣子。這個Kurt甚麼死了跟他有甚麼關係？不明白。想知道。我mind。好mind。

8/7/1994

不會再信阿華這個人。他來求我，說欠老秋他們錢。那找我做甚麼？關我乜叉事？這樣的人，唔值得。後來他就要挾我，說有我的相，那次在他那裡飲醉咗搞嘢的時候拍的，睇曬全相。死仔居然大我。我話，有相你就拿出來周圍貼，我唔怕益街坊！我估他是老作，但事後自己都有點心虛，想記起有沒有這回事。

聽說九美她們幫黑春賣丸仔，俾差佬周咗，仲自己攬曬上身。今日蕭蕭打電話叫我去K，說Jackie他們都在，好耐沒一齊出嚟wet。我邊度都唔想去，想喺屋企聽CD。好煩！乜人都唔想見！通通去死啦！

阿婆見我最近唔去街，話我好乖。哈。

如果俾人影咗相就真系唔掂。

3/9/1994

第一日開學。好冇癮，悶到抽筋。個阿Sir，懶嚴肅，話我地入咗D班唔使灰心，雖然人地認為這是垃圾班，但系佢唔會放棄我地咁話喎。

放學見阿華在學校門口等我，連忙回頭，走後門出去。

去了CD鋪找奧古。鋪裡面在播日本歌。他說，介紹你買這個吧，Luna　Sea，正嘢。我猶疑不決，他就問，你唔系鍾意rock既咩？我說，我其實系冇錢買碟，好貴。

19/12/1994

一口氣買了Luna　Sea的三張碟，Image；　Eden；　Mother。雖然奧古給我錄了，但還是忍不住買了。那天我在酒吧和高榮說，在聽Luna　Sea，他竟然停下來望望我，還問我喜歡哪首歌。我說，Rosier。他歪著嘴笑了笑，不知是甚麼意思。他沒喝酒都算是個正常人，會笑，又不會隨地屙尿。

24/12/1994

鮮豔帶刺無法擁抱 鮮豔帶刺用情太深

我已收起易碎的心

頓然如新生般

找出答案或繼續迷失 無法得知

我該如何踏出

這一切盡聽老天安排無法擺平我的茫然

置身這個沒有星星沒有邊際的城市

存在只為遠離寂寞和殘酷的真相

我不斷追求希望 我擇善固執選擇要走的路

不管好或壞都要去闖 我擇善固執

〈Rosier〉

我把最喜歡的歌詞抄在信中，放進高榮的郵箱。估唔到自己會做這種白痴事情，好似純情少女咁搞笑。他今晚不會回家嗎？會不會去找甚麼女人？他這種人會有很多女人吧。我真系超級白痴。我在他家附近的路上走，元朗這個爛鬼地方，好遠，好陌生，好荒蕪，好邪，好像地球的邊緣。再過一點，不知會是甚麼地方？是懸崖嗎？會掉下去嗎？

今晚誰都找不到我。我不要見任何人。只想著高榮和女人一起。

31/12/1994